يعتبر قطاع الامن الخاص (المياومين) من اكثر القطاعات تظررا خلال الازمة الاخيرة مع العلم ان الحارس يقتات من عمل يومه اظافة الى ان له العديد من الالتزامات المالية ( قوت يومي ، كراء ، قروض ، ماء ، ضو و و و …) ونحن الآن لم نستفد من اي دعم من الدولة ..
مع العلم ان مهنة حارس الامن الخاص المياوم تعتبر من اصعب المهن وفيها كثير من المخاطر و الاكراهات..
بالصح المهنة في المغرب قانونيا ضايعة، وعمر شي حد تكلم عليها ، الحارس المياوم ماعندو تقاعد ماعندو تغطية صحية ماعندو نهار عطلة فالسيمانة كيف الناس ، حتى نهار العيد مكيدوزوش بحال عباد الله ، أولادو محرومين منو نهار الأحد ، ويرجع في الليل يلقاهم ناعسين ، ما كاين توقيت مضبوط ، كولشي هاذ شي غي باش يرضي الكليان ويوفر قوت يومه ، يخذم حتى 16 ساعة، وقتما جات الخذمة خاص تلقاه موجود ، والصحة دغيا كتهلک بكثرة الوقوف ، الآم الظهر ودوالي الساقين والعينين وزيد وزيد…
ونهار حلت هذه الأزمة حتى واحد متكلم عليه ولا فكر فيه، كيف غادي يدير في الكراء ، باش عايش …
نتمنى من رجال الامن الخاص المياومين كاملين في جميع أنحاء المغرب ان يكون هذا درس لهم ، فينسقو بينهم، باش نراجعو نفوسنا ونديرو نقابة تمثلنا وتتكلم على حقوقنا وتحمي هاد المهنة .. حنا مهمين فحياتهم بصاح شكون يعقل عليك نهار طيح تحصل والدليل ها هو أمام اعينكم ..
#يودا
➖ بقلم حارس الأمن الخاص “سهيل”.
مناقشة هذا المقال