متابعة دقيقة لقناة نيني من مدونةسميرة الحنصالي.

لطالما كنت من متابعي رشيد نيني …. بالتوفيق
مؤخرا على طريقة سوبر ماريو دارت واحد القناة بوز كبير فالفيسبوك حتى ولى كولشي كيقلب على التردد ديالها خصوصا و على حسب ملونصاو فبعض الفيديوات جايين بمضمون و عقلية جديدة مغايرة خاصة وهي قناة خاصة متبعاش للدولة و هادشي علاش جبت معلومات عليها باش تفهموا البلان اكثر
قناة Télé Maroc هي قناة تلفزيونية جديدة في المغرب تابعة للقطاع الخاص، هاد القناة مولاها هو الصحفي المشهور “رشيد نيني” والمقر ديال القناة غيكون من اسبانيا ولكن جميع محتوى القناة وبرامجها ولي خدامين فيها مغاربة والاكثرية ديالهم ساكنين في المغرب.
نبذة مختصرة على رشيد نيني مؤسس القناة: هاد الشخص عندو ذهاء تسييري ومقاولتي ناجح اسس سنة 2006 جريدة المساء وجعلها اول جريدة مقروئة في البلاد وزاحت الجرائد المعروفة من المقدمة بحال الصباح و الاحداث المغربية لي كانت هيا الاولى في واحد الوقت، ورغم صوتها المعارض للنظام لي كتمشي به الدولة وهجوماته المتكررة في عموده المشهوره: “شوف تشوف” على اكبر السياسيين والفاعلين الاقتصاديين في البلاد استطاعت الجريدة انها تجلب كبريات شركات الاشهار يوميا ليها ويشدو مساحات كبيرة في الجريدة ويحطو فلوس صحيحا ماشي بسبب خايفين لايفضح اعمالهم ولكن بسبب نسبة القراءة العالية للجريدة واقبال المغاربة عليها، هادشي خلانا ندخلو ونعيشو لاول مرة في المغرب مقاولة صحفية محايدة وحرة ومكتشراش بالفلوس بل وكان عدة امثلة كدل على هادشي: شركة الضحى شاريا مساحة اعلانية في عدد ما وكاين مقال صحفي حداها كيفضح شي مصيبة دايراها الشركة في شي قنت، ومكنوش الشركات كيسحبو اعلاناتهم بل نيني براسو هو لي كايتخذ قرار باش يجري عليهم الى كترو ويحطهم في الائحة السوداء.
هادشي كامل وقع حتا طلع ليها الدم الدولة ضد هاد الشخص والنجاح الكبير لي حققو وصيفطاتو واحد 6 اشهر ديال الحبس بسبب فضحه لواحد العرس ديال الشواذ داروه قضاة في القصر الكبير معقلوش عليه، وحتا هو مستسلمش وخرج من الحبس وباع الاسهم ديالو في المساء واسس جريدة جديدة ديالو لي معرفتش نفس النجاح ماشي بسبابو ولكن بسبب ثورة الانترنيت لي تجهدات وانتشار الفايس بوك و عزوف الناس عن قراءة وشراء الجرائد وهادي راه مشكلة في العالم كامل.
الان نيني اسس قناة خاصة غادي دير بوم في المغرب وغادي تشاد في النايلسات خاص المغاربة كاملين يشجعوها ونبينو لقنوات الويل لي عندنا بان عهدكم سالا من دوزيم الى اخر، راه قناة نيني ماكين لا فيلم مكسيكي ولا لبناني مكاين غي الثقافة و الهجومات السياسية والبرامج الواعية ديالكم . يعني عهد جديد سيفتح
منقول